sudhi333
Visitor
|
Namma Tulunad - 2006/01/06 08:58
Preetida Bandaveregu, yenna nalmeda solmelu,
Namma Tulunad, yetonji porluda beed, Eee mannudu putudinavu vavonji janmada punyano. Panere ponda bayi eeyavandu, barevere ponda pusthaka salandu. Aatonji kaleta, porakantuda ee naad. Ovenindu panpini, aa kolada nalkena attu yakshaganada aa onji kunikena, vaavonji porluda bagavatike, aitottugu layavaad kenuna chende maddelada sangeetona, undeku yenala saati unde? Koti-Chennaye rnanchi veera baalel putudina ee onji porluda beedunu sugithinathijji. Natti nadnaga panipna aa padanonu kendre ruddu kebi eeyavandu, aatonji madhura, aarthagarbita vaayine, boka neeti patera panpinanchina kathekulu, avenu varu kenundane namma aatma shuddi aavu. Kambulada aa yerle na balpata tuvana namma mai navirelundu. Enchina onji srimantike olu tuvere sikku? Olpa toondala pacche pachhe aadu tojuna ee sundaravayina tulunadu nu sristi maldina parashuramagu koti koti solmelu. Poojarlu, shetru, devadigeru, porbulu, marakaleru, naikeru, konkaneru, braneru, saiberu pandudu pooragale aashrya korna ee tuluvappe nu yetu sugitundala kammiye. Aaa kadalda porlu, aavene aashraya vaad shishtu du kadalda krishi malpuna namma bandaverenu toopinane onji porlu. Eee tulunadu surya chandreru uppamuta enchene tanna kampunu suttala pasarondu vishwodu bari malla pudar malpadundu pandudu aashe malpuga.
Solmelu, nigalna Sudhir 
|
